Сэмэн уонна Соппуруон Даниловтар ааттарынан Духуобунас киинин, Олонхо дьиэтигэр муус устар 21 күнүгэр, Мытаахтаа5ы “Колокольчик” о5ону сайыннарар киин коллектива үгэскэ кубулуйбут 39 төгүлүн ыытыллар Даниловскай аа5ыы чэрчитинэн дойду үрдүнэн Апассыыйа норуоттарын сомо5олоһууларын сылыгар анаан иккис сылын ыытыллар “Кыраһа суруга” оскуола иннинээ5и о5олорго инсценированнай көрдөрүү күрэ5э буолан ааста.

Бу күрэххэ кыттыыны ыллылар Горнай улууһун нэһилиэктэрин уһуйааннара, ол курдук “Солнышко”, “Кэнчээри”, “Кырачаан ымыылар”, “Колокольчик” уонна “Олоңхо кэскилэ” икки инсценированнай көрдөрүүнү туруордулар. Бу күн дьүүллүүр сүбэ5э үлэлэстилэр, бэрэсэдээтэл улуустаа5ы үөрэх управлениятын оскуола иннинээ5и саастаах о5олорун отделын сурун специалиһа Баишева Дария Васильевна, “Людмила Егоровна Лукина” аатынан эбии үөрэхтээһин киинин, о5олору психологическай арыаллааһын үөрэхтээһин учуутала Сидоров Карл Кононович, “Семен уонна Соппуруон Даниловтар ааттарынан Духуобунас киинин режиссера Тарасова Лилия Егоровна. Кыайыы кынатын сүктүлэр:

— 3 Үрдэл “Радуга” уһуйаан;

— ⁠2 Үрдэл “Олоңхо кэскилэ” уһуйаан;

— ⁠1 Үрдэл “Кэнчээри” уһуйаан. Гран-При хаһаайыттара буоллулар “Колокольчик” уһуйаан, ону тэңэ “Бастың оруол толорооччу” анал аат иңэрилиннэ Сарыада Андреева5а, “Хомо5ой тыл кыната” анал аат туттарылынна Айыына Егорова5а.