Сэтинньи ый 29 күнүгэр Саха театрыгар дьоhун тэрээhин ыытылынна.Семен Алексеев-Уустарабыс «Дэбириэлдьин Бэргэн» олоҥхо испиктээкилэ Былатыан Ойуунускай аатынан Саха академическай театрыгар сүрэхтэннэ👏🏼 ✨Бүгүн Дьокуускай куоракка биир дойдулаахпыт, алгысчыт, тойуксут, норуот ырыаһыта Семен Алексеев-Уустарабыс 125 сылын үөрүүлээхтик түмүктүүр киэһэҕэ «Дэбириэлдьин Бэргэн» олоҥхо испэктээкилэ бар дьонун ортотугар улахан сыанаҕа сүрэхтэннэ. 👏👏Театрга кыра дьон-сэргэ саҥа испиктээкили көрөөрү тоҕуоруһа муһунна. Испиктээкили туруорда: режиссер, Олоҥхо театрын артыыһа Владислав Иванов. Онтон артыыстар уобарастарын худуоһунньук-модельер Августина Филиппова мындырдаан айбыт. 🎭Артыыстар олус бэркэ оонньоотулар. Көрөөччүлэр саҥа олоҥхо испэктээкили олус сэргээн көрдүлэр, ытыс дохсун тыаһын бэлэхтээбиттэрэ артыыстарга үрдүкү сыанабылынан буолла.🙌🏻 Ыалдьыттары быырпаахтаах уонна арыылаах алаадьынан күндүлээн көрүстүлэр👏🏼Култуура колледжын студеннара тыыннаах музыканан доҕуһуоллаатылар. Навигация по записям Семен Алексеев-Уустарабыс «Дэбириэлдьин Бэргэн» олоҥхо испиктээкилэ сүрэхтэннэ Ахсынньы ый 3 күнүгэр, Олоҥхо дьиэтигэр, Саха омук героическай эпоһа Олоҥхо, Юнеско билиниитин ылбыта 20 сылыгар, СӨ Олоҥхо декадатын чэрчитинэн, биир дойдулаахпыт С.Г. Алексеев — Уус уола Уустарабыс төрөөбүтэ 125 сылыгар анаммыт «Оллоонноон олорон олоҥхолуох…» диэн оҕолорго биирдиилээн уонна бөлөҕүнэн аһаҕас, олоҥхо толоруутугар бэрт сэргэх күрэх буолан ааста
