Култуура сылынан улууспутугар фольклор эйгэтигэр үгүс өҥөлөөх дьоммутун үйэтитиигэ, кэнэҕэски кэнчээригэ тириэрдиигэ ытык дьоммутун устан фонданы хаҥатыыга, сөргүтүүгэ үлэ ыытыллар. 

Бүгүҥҥү ыалдыппыт Саха Өрөспүүбүлүкэтин ытык кырдьаҕаһа, Маҥаны нэһилиэгин бочуоттаах олохтооҕо, оһуокайдьыт Петр Гаврильевич Сивцев. Оһуохайы оройуттан тутар, эһиэкэйи эҥээритэ этэр киһибит олоҕун устата саха төрүт култууратын өрө тутан күн бүгүҥҥэ диэри уус- уран самодеятельность көхтөөх кыттааччыта.Петр Гаврильевич хас да кинигэ ааптара, нуучча норуотун ырыатын тылбаастаан ыллаппыт, дэгэрэҥ ырыа толорооччута буолар. Бүгүҥҥү устууга » Дьулуруйар Ньургун Боотур» олоҥхоттон Сорук Боллур тойугун толордо. Быйыл аҕа убайбыт 80 сааһын туолар бэлиэ сылыгар ыам ыйыгар улуустааҕы » УРУЙДАН УЛУУ ОҺУОХАЙБЫТ!» -оһуохай күрэҕин ыытыахтаахпыт.
Бу кэпсэтии кини олоҕун эрэ тула буолбакка- төрүт култуурабытын, историябытын кытта диалог буолар.
Махтанабыи Маҥаны нэһилиэгин түмэлин исписэлииһигэр Мария Ивановна Осиповаҕа, Маҥаны олохтоохторугар.