Бу күннэргэ Былатыан Ойуунускай аатынан Саха академическай тыйаатырыгар саха норуотун тылынан уус — уран айымньытын муҥутуур чыпчаала буолбут улуу Олоҥхобут Юнеско шедеврын билиниитин ылбыта номнуо 20 сыллаах өрөгөйдөөх, үбүлүөйдээх тэрээһиннэрэ бэлиэтэнэ тураллар. Бу 20 сыл устатын тухары сүҥкэн элбэх улахан үлэлэри ыытан кэлбит ытыктыыр, убаастыыр дьоммутугар, учуонайдар Агафья Еремеевна Захароваҕа, Василий Николаевич Илларионовка, Елена Николаевна Протодьяконоваҕа махталбыт муҥура суох. Билигин хас улуус аайы Олоҥхо ыһыахтара ыытыллаллар, олоҥхо күннэрэ сыл ахсын бэлиэтэнэллэр. Олоҥхо үнүстүтүүтэ, Олоҥхо тыйаатыра, 2022 сылтан биир кэлим ситимҥэ киирбит Олоҥхо дьиэлэрэ олус таһаарыылаахтык үлэлии олороллор. Ил Дархан анал бириэмийэлэрэ сыл ахсын туттарыллаллар. Горнай улууһугар Олоҥхо тула үлэ — хамнас олус тэтимнээхтик ыытыллан бара турар. Бу күннэргэ кэккэ ситиһиилээхпитинэн киэн туттабыт. Олоҥхо декадатын үөрүүлээх аһыллыытыгар олоҥхону толорор оҕолорго «Олоҥхо» национальнай кэмитиэтин анал бириэмийэлэрэ туттарылынна. Ил Дархан стипендиата, Горнай улууһун фольклориһа, олоҥхоһута Дария Егоровна Алексеева уһуйар оҕото, Сэмэн Данилов аатынан орто оскуола 3 кылааһын туйгун үөрэнээччитэ Милана Яковлева наҕараадаланан үөрүүбүт үгүс. Бу улахан ситиһиинэн Милана төрөппүттэрин, уһуйааччыбытын итиитик — истиҥник эҕэрдэлиибит уонна үрдүк ситиһиилэри баҕарабыт. Навигация по записям Олоҥхо дьиэтигэр сэтинньи ый 15-16 күнүгэр, икки күннээх маастар кылаас буолла. Бэрдьигэстээх нэһилиэгин олохтоохторо туос иһити тигэн оҥорорго үөрэннилэр👍🏼 Семен Алексеев-Уустарабыс «Дэбириэлдьин Бэргэн» олоҥхо испиктээкилэ сүрэхтэннэ
