«Кировскай нэһилиэгэр Саха фольклорун түһүлгэтэ»

🌟🌈☀️«Кировскай нэһилиэгэр Саха фольклорун түһүлгэтэ»☀️🌈🌟
КУЛУН ТУТАР 4️⃣ КҮНҮГЭР
Кировскай нэһилиэгэр бэрт сэргэх, сахалыы тыыннаах, кэрэхсэбиллээх, улуустааҕы ☀️🌈«Удьуор утум»🌈☀️ Саха фольклорун көрүҥнэрин толорууга бэстибээл-күрэс буолан ааста. Бу күрэс, оҕо сахалыы тыла-өһө, ырыата-тойуга сайдарыгар, Саха норуотун духуобунай баайын киэҥ эйгэҕэ таһаарар, үйэтитэр, харыстыыр, норуот уус-уран айымньытын толоруу үгэстэрин үүнэр көлүөнэҕэ тириэрдэр, саҥа ааттары арыйар, Горнай улууһун Ийэ олоҥхоһута, норуот ырыаһыта, алгысчыта, тойуксута, оһуохайдьыта Николай Михайлович Тарасов аатын-суолун үйэтитэр сыаллаах-соруктаах ыытылынна. Күрэс номнуо үһүс төгүлүн Кировскай нэһилиэгэр тэрилиннэ. Тэрийээччи Кировскайдааҕы сынньалаҥ киинин кэллэктиибэ буолар. Бэстибээл-күрэспит сылтан-сыл ахсын сайдан, тупсан, кыттааччыта элбээн иһэрэ барыбытын үөрдэр. Бу тэрээһин үчүгэйэ диэн Горнай улууһун сахалыы куттаах, Саха фольклорун кэрэхсиир, толорор оҕолорун биир сиргэ түмэр, бэйэ-бэйэни кытта билиһиннэрэр, салайааччыларга да кыттааччыларга да элбэх уопуту атастаһарга ананан ыытыллар. Былырыын, иллэрээ сыл 30-40 оҕо кыттыбыт буоллаҕына быйыл фольклорнай бөлөх оҕолорун, биирдиилээн толорооччулары ааҕан туран 64 оҕо кытынна, бу улахан көрдөрүү, ол аата Горнай улууһугар фольклорбут инникилээх эбит диэн эрэли күүһүрдэр. Оҕолорбут ырыалара-тойуктара, чуопчаарар чабырҕахтара, хомустарын тыаһа, оһуокайдарын этиитэ олус үчүгэй.
🌟👍🏻🫱🏻‍🫲🏻Түгэнинэн туһанан тэрээһиҥҥэ көмөлөспүт спонсордарбытыгар Потап Николаевич Павловка, Варвара Николаевна Даниловаҕа, Олохтоох дьаһалтабытыгар (баһылык Савва Иннокентьевич Данилов), Кировскай орто оскуолатыгар (директор Илья Егорович Алексеевка), «Одуванчик» оҕо уһуйааныгар (заведующай Дария Яковлевна Парникова), олохтоох библиотекаҕа (Аина Васильевна Кривошапкина) барҕа махталбытын тиэрдэбит.🌟🫱🏻‍🫲🏻👍🏻 Тэрээһини Өрөспүүбүлүкэтээҕи фольклорнай күрэстэр хас да төгүллээх лауреаттара «Даҕай» этно-фольклорнай бөлөх ырыаһыттара, кэлбит кыттааччылары боҕуруоскай от буруотунан арчылаан, алаадьылаан маанылаан, ыллаан-туойан эҕэрдэлээн көрүстүлэр. Дьүүллүүр сүбэҕэ Улуустааҕы Култуура уонна Духуобунай сайдыы салалтатын салайааччытын солбуйааччы, СӨ култууратын үтүөлээх үлэһитэ Софья Никитична Алексеева, Улуустааҕы култуура уонна духуобунай сайдыы салалтатын специалиһа Айгуля Ивановна Данилова, Кировскайдааҕы сынньалаҥ киин уус-уран салайааччыта, олоҥхону толорооччу Айтал Николаевич Винокуров үлэлээтилэр. Кэлэр инники сылларга күрэспит таһымын үрдэтэн, кэҥэтэн улуус киинигэр Бэрдьигэстээххэ ыытыахпыт диэн баҕа санаалаахпыт.

🌟Бэстибээл-күрэс түмүгэ маннык: 🌟

Норуот ырыата:
Оҕо уһуйааннара:
1 үрдэл — “Дуораанчык” фольклор бөлөҕө, Кировскай нэһилиэгин “Одуванчик” оҕо уһуйаана. сал. О.Е.Попова
2 үрдэл — “Олоҥхо кэскилэ” оҕо уһуйаана. Бэрдьигэстээх.

Алын сүһүөх:
1 үрдэл — “Чэчир” фольклорнай бөлөх. Оҕо искусствотын оскуолата. Сал. Л.П. Баишева
2 үрдэл — “Оһуор” фольклорнай бөлөх. Бэрдьигэстээх С.П. Данилов аатынан орто оскуолата.

Орто сүһүөх:
1 үрдэл “Күөрэгэй” фольклорнай бөлөх. Кировскай нэһилиэгэ. сал. А.Н.Винокуров, Н.Н.Румянцева
2 үрдэл Павловтар дьиэ кэргэн фольклорнай бөлөх. «Сэмэн, Соппуруон Даниловтар ааттарынан Духуобунас киинин» «оҺуордаах олонхо» куруҺуок иитиллэччилэрэ. Сал. Тарасова Л. Е.
3 үрдэл “Кылыһах” фольклорнай бөлөх. Сал.Д.Е.Алексеева.

Анал аат:
“Дэгэлдьийэр дэгэрэҥ”— Айыылина-Куо Мордовская. Бэрдьигэстээх, «Сэмэн, Соппуруон Даниловтар ааттарынан Духуобунас киинин» иҺинэн «Оьуордаах олоҥхо» куруҺуок иитиллээччитэ, сал. Л.Е.Тарасова

Чабырҕах:
1 үрдэл — Павловтар дьиэ кэргэн фольклорнай бөлөх. Сал. Т.М. Павлова
2 үрдэл — Вика Андросова. Сал. Д.Е. Алексеева.

Хомус:
1 үрдэл — “Чэчир” фольклорнай бөлөх. Бэрдьигэстээх Оҕо искусствотын оскуолата. Сал. Л.П. Баишева
2 үрдэл — Альяна Жиркова, Джулия Заровняева Сэмэн, Соппуруон Даниловтар ааттарынан Духуобунас киинин «Уйгу» куруҺуок иитиллээччилэрэ. Сал: Андросова А. Ф.

Олоҥхо ырыата-тойуга:

*Кылаан аат* – Федор Терентьев. Кировскай нэһилиэгэ. сал. А.Н.Винокуров (Бирииһэ 5000₽ ИП ПАВЛОВ П.Н) *2 үрдэл* — Намина Аргунова. Бэрдьигэстээх Оҕо искусствотын оскуолата. Сал. Л.П. Баишева Оһуокай: *1 үрдэл* – Туйгууна Павлова. Бэрдьигэстээх А.Н. Осипов аатынан орто оскуолата. Сал. Т.М. Павлова. Анал ааттар: *ОҺуокай кэскилэ* – Самира Николаева (Бэрдьигэстээх) *Удьуор утума* – Айсен Заровняев (Бэрдьигэстээх) сал. Д.Е.Алексеева *Кылыгырас кылыһах* – Мичийэ Куо Күн Дьөһөгөй (Бэрдьигэстээх) сал. Д.Е.Алексеева *Тэтимнээх оһуокайдьыт* — Ганя Гаврильев (Кировскай) сал. А.Н. Винокуров *Чуор Куолас* – Сивцева Күн Сиэнэ (Кировскай) сал. А.Н.Винокуров *Хомоҕой тыллаах этээччи* – Таисия Максимова (Бэрдьигэстээх) сал. Д.Е. Алексеева *Туоһу сурук:* Старостина Анелия (Бэрдьигэстээх) Барабанскай Денис (Мытаах) Попова Таня (Кировскай) Рожин Эрхан (Бэрдьигэстээх) Кириллина Сандра (Мытаах) Николаева Алина (Мытаах) Григорьева Айаана (Кировскай)

Оҕолорго өссө да үрдүктэн үрдүк дабайыылары, ситиһиилэри баҕарабыт.