Горнай улууһун Олоҥхо дьиэтигэр Арктикатааҕы култуура уонна ускуустуба киинэ, Аан дойду омуктарын култууратын арчылыыр Юнеско, киһи — аймах тылынан уус — уран айымньыта Олоҥхо 20 сылыгар анаан биир күннээх үлэтэ күөстүү оргуйда. Евдокия Николаевна салаайааччылаах устар бөлөх улууспут киэн туттар дьонун, маастардарын, норуот ырыаһыттарын, олоҥхоһуттарын Духуобунас киинин — Олоҥхо дьиэтин иһинэн үлэлиир түмсүүлэр үлэлэрин үйэтитиигэ киллэрдэ

Алтынньы ый 23 күнүгэр, Горнай улууһун Олоҥхо дьиэтигэр Арктикатааҕы култуура уонна ускуустуба киинэ, Аан дойду омуктарын култууратын арчылыыр Юнеско, киһи — аймах тылынан уус — уран айымньыта Олоҥхо 20 сылыгар анаан биир күннээх үлэтэ күөстүү оргуйда. Евдокия Николаевна салаайааччылаах устар бөлөх улууспут киэн туттар дьонун, маастардарын, норуот ырыаһыттарын, олоҥхоһуттарын Духуобунас киинин — Олоҥхо дьиэтин иһинэн үлэлиир түмсүүлэр үлэлэрин үйэтитиигэ киллэрдэ. Ыалдьыттарбытын дьиэбит тас өттүттэн сахалыы соммутун сайбаччы кэтэн Сэмэн Данилов аатынан орто оскуола «Аламай сулус» (сал. Т.И. Терентьева) оҕолоро көрүстүлэр. Киирэр ааҥҥа «Дьүөгэ» (сал. Л.Е. Черенкова) түмсүү алгыстаах алаадьынан айах тутта. Тарбаҕар талааннаах маастардарбыт ситии өрүүтүгэр (Н.С. Павлова), тириини имитиигэ (В.Е. Захарова), чороон оһуорун анньыытыгар (А.И. Трофимов), кыл сэлээппэни өрүүгэ (О.Б. Яковлева), валяние (А.В. Санникова) курдук сэдэх үлэлэргэ маастар кылаастары ыыттылар. «Олоҥхо кэскилэ» уһуйаан оҕолоро (сал. М.Е. Андреева), биирдиилээн олоҥхоһут оҕолорбут Милана Яковлева, Эрсан Рожин, улахан дьоҥҥо «Алгыс» фольклорнай бөлөх олоҥхоҕо дьарыктарын уонна толорууларын көрдөрдүлэр. Оһуохайы оройуттан Костя Григорьев, Эдита Антонова, улахан дьоҥҥо лилия Тарасова таһаардылар. кыл кырыымпаҕа «Төрүт дорҕоон» оонньоон иһитиннэрдэ. Кэптин, Маҕарас, Бэрдьигэстээх мааны Далбардара сахалыы соннорун сайбаччы кэтэн хааман көрдөрдүлэр. «Күбэйэ» туой түмсүүтэ туой иһиккэ буһарбыт куобаҕынан, кус миининэн дьоммутун күндүлээтибит. «Горнай улууһа» муниципальнай оройуон баһылыга Н.В. Андреев, Горнай улууһун «Норуодунай маастардара» Куудук Уран уус, В.М. Дьячковскай улууска ыытыллар үлэни — хамнаһы сырдаттылар. Үйэлээх киинэҕэ уһуллууга күүс — көмө буолбут күндү дьоммутугар улахан махталбытын тиэрдэбит.

Сэмэн уонна Софрон Даниловтар ааттарынан Духуобунас киинин — Олоҥхо дьиэтин уус — уран салайааччыта.