Бүгүҥҥү күн, кулун тутар 20 күнүгэр, Саха норуотун чулуу уола, биллиилээх суруйааччы, ССРС уонна Саха АССР государственнай бириэмийэлэрин лауреата Семен Петрович Данилов төрөөбүтэ 109 сааһа!

Бүгүҥҥү күн, кулун тутар 20 күнүгэр, Саха норуотун чулуу уола, биллиилээх суруйааччы, ССРС уонна Саха АССР государственнай бириэмийэлэрин лауреата Семен Петрович Данилов төрөөбүтэ 109 сааһа! Семен Петрович Данилов – олоҥхо сайдыытыгар, үйэтитиилигэр сүҥкэн кылааты киллэрбит улуу дьонтон биирдэстэрэ. Кини олоҕун тухары олоҥхону хомуйууга, чинчийиигэ, норуот киэҥ араҥатыгар тиэрдиигэ анаабыта. Видеоҕа аналлаах кылгас тиэкис: Саха норуотун сүдү баайа – «Ньургун Боотур» олоҥхо аан дойдуга арыллыытыгар улуу суруйааччыбыт Семен Петрович Данилов уонна талааннаах тылбаасчыт Владимир Державин сүҥкэн кылааттара үйэлэргэ умнуллубат. Сэбиэскэй кэм саҕана саха тылын кэрэтин, олоҥхо уйулҕатын атын омук дьоно билиилэригэр кинилэр бииргэ үлэлээһиннэрэ улахан суолтаны ылбыта. Семен Петрович олоҥхо ис хоһоонун, тылын нууччалыы тылыгар дьүөрэлээн биэрбитэ, онтон Владимир Державин ол тылбааһы уус-ураннык киэргэтэн, нуучча ааҕааччытыгар тиийимтиэ гына оҥорбута. Семен Петрович күүстээх дьулуура, олоҥхоҕо таптала суох буоллун, бүгүҥҥү күҥҥэ биһиги олоҥхобут ЮНЕСКО Аан дойду култууратын утумугар киириэ суоҕа этэ. Кини аата – олоҥхону кытта биир тиһиликкэ ситимнээх! Саха буолан сандааран, Саха омук саргытынан салайсан олонхобут ырыатын тойугун уйэлэргэ оро тутуо5ун!