Сэмэн уонна Соппуруон Даниловтар ааттарынан Духуобунас киинигэр, сэтинньи 28 күнүгэр кыралыын — улаханныын саха омук улуу айымньытын олоҥхону бэрт сэргээн иһиттибит. Солоҕон нэһилиэгин Ийэ олоҥхоһута, устар ууну сомоҕолуур уус тыллаах ытык кырдьаҕаһа С.Г. Алексеев — Уус уола Уустарабыс үйэлэргэ суруйан хаалларбыт «Чөҥөчөх оҕонньор, Төҥүргэс эмээхсин» олоҥхото бар дьон сэҥээриитин ылла. Олоҥхону Горнай улууһун саха төрүт култууратын, фольклорун өрө тута сылдьар, улуус, өрөспүүбүлүкэ, аан дойду таһымнаах күрэхтэр хас да төгүллээх Гран — При кыайыылаахтара «Алгыс» фольклорнай ансаамбыл толордо. Ансаамбыл кыттыылаахтара олоҥхо геройдарын уобарастарын дьоҥҥо — сэргэҕэ олус тиийиимтиэ гынан кэпсээ- ипсээн саҥаран, ыллаан — туойан тиэртилэр. Ансаамбыл уус — уран салайааччыта Горнайдар киэн туттар, убаастыыр киһибит Дария Егоровна Алексеева буолар. Саха тылын таптаан, саха тылын кэрэхсээн, саха буолан сандаарын.
Сэтинньи 28 күнүгэр Бэрдьигэстээх нэһилиэгэр, Сэмэн уонна Соппуруон Даниловтар ааттарынан Духуобунас киинигэр, Солоҕон нэһилиэгин Ийэ олоҥхоһута, устар ууну сомоҕолуур уус тыллаах С.Г. Алексеев - Уус уола Уустарабыс үйэлэргэ суруйан хаалларбыт "Чөҥөчөх оҕонньор, Төҥүргэс эмээхсин" олоҥхотун кыралыын - улаханныын оллоонноон олорон иһиттилэр.
